Пракурор папрасіў забойцу Юліі Саламацінай 17 гадоў зняволення
Павел Цыняўскі цалкам прызнаў віну, фота Сяргея Гудзіліна
Пракурор папрасіў суд прызначыць галоўнаму фігуранту справы аб забойстве Юліі Саламацінай Паўлу Цыняўскаму 17 гадоў пазбаўлення волі.
Маці абвінавачанага Галіну Цыняўскую дзяржаўны абвінаваўца папрасіў прысудзіць да 2 гадоў пазбаўлення волі з адбываннем пакарання ў калоніі ва ўмовах агульнага рэжыму.
Акрамя таго, пракурор папрасіў суд спагнаць з абвінавачаных у сукупнасці Br2 млрд маральнай шкоды на карысць маці загінулай.