У Гродне вуліцу Паўліка Марозава перайменавалі ў вуліцу Каліноўскага
Не трэба тут шукаць палітыкі. Маленькую вулічку Марозава і так усе лічылі працягам вялікай вуліцы Каліноўскага. Цяпер яе ліквідавалі і фармальна.
Піянера-героя Паўліка Марозава пры Сталіну ўслаўлялі за данос на ўласнага бацьку, які не хацеў уступаць у калагас.
Сярод іншых зменаў: такую ж маленькую вулічку 2-ю Працоўную далучылі да Вялікай Траецкай.
Вуліцу Агрэстовую перайменавалі ў вуліцу Мележа.
У горадзе таксама з'явіліся вуліцы Аляксея Карпюка (партызан, а за саветамі — дысідэнт і сябар Васіля Быкава), Максіма Танка, Янкі Маўра, Аркадзя Куляшова, Кандрата Крапівы, а таксама звязаных з Гроднам Апанаса Цыхуна, Ларысы Ляшэнкі, Аляксандра Кубасава.