СБУ: След тэракту ў Харкаве вядзе ў Белгарад
След здзейсненага ў Харкаве, падчас мірнага маршу, тэракту вядзе ў горад Белгарад (Расійская Федэрацыя). Пра гэта заявіў дарадца кіраўніка Службы бяспекі Украіны Маркіян Лубкіўскі, паведамляюць украінскія СМІ.
Адказваючы на пытанне, ці можа ён пацвердзіць, што за тэрактам у Харкаве стаіць Масква, Лубкіўскага заявіў: «Я магу гэта пацвердзіць». «Больш за тое, сам агнямёт быў атрыманы менавіта ў Белгарадзе кіраўніком гэтай банды. І інструкцыі атрымліваліся з РФ», — дадаў ён.
Учора ў Харкаве адбыўся выбух, у выніку якога загінулі двое — падпалкоўнік міліцыі і кіраўнік валанцёраў, што дапамагаюць войску.
Акрамя таго, яшчэ два паралельныя тэракты ўдалося прадухіліць, у тым ліку абстрэл з агнямёта.
Затрыманыя чатыры чалавекі, якіх падазраюць у здзяйсненні дадзенага тэракту. З імі праводзяцца следчыя дзеянні.