У цэнтры Мінска 4 сакавіка будзе абмежаваная паркоўка
У цэнтры Мінска 4 сакавіка будуць абмежаваны магчымасці паркоўкі аўтамабіляў, паведамляе ДАІ Цэнтральнага РУУС сталіцы.
У прыватнасці, з 7 да 12 гадзін будзе забаронена паркоўка аўтатранспарту па вуліцы Камуністычнай на ўчастку ад вуліцы Чырвонай да плошчы Перамогі. З 7 да 19 гадзін будзе забаронена паркоўка па вуліцы Энгельса ад праспекта Незалежнасці да вуліцы Інтэрнацыянальнай.
Дзяржаўтаінспекцыя рэкамендуе кіроўцам улічваць гэтую інфармацыю пры выбары месца для спынення і стаянкі.