Назарбаеў: У старэйшых класах ўсе прадметы павінны быць на англійскай мове
Абмяркоўвайце!
Прэзідэнт Казахстана Нурсултан Назарбаеў лічыць неабходным выкладаць прадметы ў старэйшых класах на англійскай мове.
nur.kz
«Цяпер нам трэба вучыць ангельскую мову, пачынаючы з 1-га класа. У 11-12 класах ўсе прадметы павінны быць па-англійску», — сказаў Назарбаеў на сустрэчы з прадстаўнікамі жаночай грамадскасці ў пятніцу.
«Так робіць Малайзія. Калі яны атрымалі незалежнасць пасля вайны, то вырашылі развіваць дзяржаўную малайскую мову, а яе ніхто не ведае ў свеце, і перайшлі зноў на ангельскую мову. Дакладна гэтак жа ў Сінгапуры», — дадаў ён.
Кіраўнік дзяржавы нагадаў, што дзяцей трэба вучыць тром мовам: казахскай, рускай і англійскай.