У ДТЗ з аўтобусам у Бразіліі загінулі больш за 40 турыстаў
Globo.com
Турыстычны аўтобус зваліўся з абрыву вечарам у суботу, 14 сакавіка, у бразільскім муніцыпалітэце Кампу-Алегрэ штата Санта-Катарына, паведамляе Globo.
Спачатку паведамлялася, што ахвярамі ДТЗ сталі 32 чалавекі, яшчэ 12 пацярпелі. Затым лічба загінулых вырасла да 40.
Паводле папярэдніх дадзеных расследавання, вадзіцель не справіўся з кіраваннем. Пацярпелых даставілі ў бліжэйшыя бальніцы.