Абама блаславіў Клінтан на барацьбу за Белы дом
«Я лічу, што Хілары Клінтан стане выдатным прэзідэнтам. Яна мой сябар», —заявіў Барак Абама ў суботу на прэс-канферэнцыі ў Панаме пасля завяршэння там «саміту Амерык».
Reuters.com
Чакаецца, што 68-гадовая Клінтан, былая першая лэдзі ЗША, сенатар і дзяржсакратар, афіцыйна аб'явіць аб уступленні ў перадвыбарчую гонку ў нядзелю.
У 2008 годзе яна прайграла Абаму ў барацьбе за намінацыю ў якасці кандыдата. Сёння, паводле ацэнак палітолагаў, у шэрагах Дэмакратычнай партыі сур'ёзных супернікаў у яе няма.
Чакаецца, што Клінтан пачне кампанію з паездак у Аёве і Нью-Гэмпшыры і будзе актыўна выкарыстоўваць сацыяльныя сеткі.