Ва Уруччы за адну ноч спалілі тры аўтамабілі
У Мінску, у Першамайскім раёне (ва Уруччы), ноччу згарэлі тры аўтамабілі. Прычынай пажараў стаў падпал, вінаватая асоба высвятляецца.
Пра гэта паведамілі ў Мінскім гарадскім упраўленні МНС. Агнём цалкам пашкоджаны аўтамабіль Daewoo, які быў прыпаркаваны на праезнай частцы насупраць дома па вуліцы Уруцкай, 23.
Таксама згарэлі аўтамабілі Ford Sierra 1987 выпуску і Renault-19 1995 выпуску, якія знаходзілася на праезнай частцы вуліцы Астрашыцкай каля дамоў 17 і 23.