Расія выдзеліць $1,2 млн на ліквідацыю шахтаў на Данбасе
Міністэрства энергетыкі Расійскай Федэрацыі замовіла праектную дакументацыю на ліквідацыю шахтаў на тэрыторыі Данбаса. Адпаведныя звесткі апублікаваныя на сайце расійскага ўрада.
Згодна з апублікаванай інфармацыяй, на выкананне работ па рэалізацыі скарэктаванай праектнай і працоўнай дакументацыі па аб'екце «Маніторынг сацыяльна-экалагічных наступстваў ліквідацыі шахтаў Усходняга Данбаса» быў абвешчаны конкурс, які прайшоў з 18 сакавіка па 8 красавіка. Заяўкі будуць разглядацца 14 красавіка.
Паведамляецца, што фінансаванне праекта ажыццяўляе ўрад РФ, а яго кошт складае 66 млн 143 тыс. 380 руб. (каля 1,2 млн дал).
Таксама паведамляецца, што тэхнічныя сродкі, неабходныя для ліквідацыі шахтаў, павінны быць дастаўлены ў Растоўскую вобласць.