Хто яшчэ бяз флікера?
Ад 5 да 11 лютага ў Менску праходзіць апэрацыя «Пешаход».
Ад 5 да 11 лютага ў Менску праходзіць апэрацыя «Пешаход». Супрацоўнікі дзяржаўтаінспэкцыі будуць больш пільна сачыць за датрыманьнем правілаў дарожнага руху на скрыжаваньнях і ля пешаходных пераходаў. Пакараньне чакае кіроўцаў, якія пагарджаюць правіламі праезду пешаходных пераходаў, а таксама пешых парушальнікаў.
Як паведамілі карэспандэнту агенцтва «Мінск‑навіны» ў ДАІ ГУУС Менгарвыканкаму, штодня ў сталіцы да адміністрацыйнай адказнасьці прыцягваюцца каля 180 менчукоў, якія пераходзяць дарогу ў забароненых месцах альбо на чырвонае сьвятло. Прычым, каля 60 такіх парушальнікаў не карыстаюцца па цемначы сьвятлістымі элемэнтамі.