Лукашэнка сёння наведвае Аджарыю
Працягваецца афіцыйны візіт кіраўніка Беларусі ў Грузію. Аляксандр Лукашэнка сёння наведвае Аўтаномную Рэспубліку Аджарыя — адзін з найбольш развітых рэгіёнаў краіны.
Тут адбудзецца сустрэча кіраўніка беларускай дзяржавы са старшынёй урада Аўтаномнай Рэспублікі Аджарыя Арчылам Хабадзэ.
Аляксандр Лукашэнка таксама прыме ўдзел у цырымоніі падпісання пагаднення аб устанаўленні партнёрскіх адносін паміж гарадамі Брэст і Батумі.