Да 9 мая на мінскія пешаходныя пераходы нанясуць зялёную разметку
На пераходах у цэнтры Мінска з’явіцца разметка для ровараў.
Фота: sb.by
Адмысловая «пластыкавая» разметка на месцах перасячэння роварных дарожак і пешаходных пераходаў пачне з’яўляцца ў Мінску да 9 мая, распавядае «Мінск-навіны» намеснік начальніка УДАІ ГУВС Мінгарвыканкама Андрэй Зыранаў.
Пераходы ў цэнтральнай частцы горада атрымаюць разметку да 9 мая, у іншых частках Мінска — ужо пасля свята.
Такая жа разметка з’явіцца на роварных дарожках, якія праходзяць па пешых дарогах — агульная працягласць такіх перасячэнняў у Мінску складае 40 км.
Зялёная разметка ўжо з’явілася ў верасні 2014 года на скрыжаванні праспекта Пераможцаў і праезда Дразды, пазней на некаторых іншых вуліцах. «Пластыкавая» разметка больш трывалая за звычайныя фарбы і мае светлавяртальную функцыю (то значыць, будзе больш заўважнай у святле фар).
Чытайце таксама: У Мінску можна будзе бясплатна арандаваць «Добры ровар»