Лукашэнка: «Мы дамовіліся з прэзідэнтам Расіі аб непублічнасці нашых адносін»
Пра гэта Аляксандр Лукашэнка заявіў у часе Паслання да беларускага народа і парламента 29 красавіка ў Мінску.
«Мы дамовіліся з прэзідэнтам Расіі аб непублічнасці нашых адносін, і мы жорстка трымаемся гэтага курсу. Калі ў яго ёсць заўвагі, то ён як мужык мне пра гэта кажа. Як мужык — ведаеце, як гэта бывае. І я яму гэтак жа кажу», — сказаў А.Лукашэнка.
Лукашэнка адзначыў, што кіраўнікі Беларусі і Расіі ў даверлівым фармаце абмяркоўваюць актуальныя праблемы ў адносінах дзвюх дзяржаў: «Мы проста па-сяброўску абмяркоўваем праблемы, якія ўзнікаюць».