У Егіпце 69 ісламістам далі пажыццёвае за падпал царквы
Суд у Егіпце прысудзіў 69 ісламістаў да пажыццёвага зняволення за падпал хрысціянскай царквы ў паселішчы Кірдаса каля Каіра ў 2013 годзе.
Храм загарэўся ў разгар масавых беспарадкаў у Кірдасе, пасля таго як пратэстоўцы напалі на мясцовы паліцэйскі ўчастак.
Сутыкненні з вартавымі парадку ў паселішчы пачаліся праз некалькі гадзін пасля разгону прыхільнікаў зрынутага прэзідэнта-ісламіста Махамеда Мурсі.
Пры падаўленні пратэстаў тады загінулі сотні маніфестантаў.