«Мой дзед-ветэран не насіў георгіеўскую стужку, а мне цяпер у магазіне «Суседзі» іх раздаюць»
даслаў чытач
29 красавіка. Час: каля 22-х. Месца: магазін «Суседзі». Адрас магазіна: Мінск, Нёманская, 46.
У мой пакет з пакупкамі на 250 000 касір кінула георгіеўскую стужачку, якую я адразу выкінуў у сметніцу. Мне цікава, што гэта такое было? Акцыя магазіна? Няўжо яшчэ не ўсе магазіны знаюць, што зацвердзілі замест георгіеўскіх стужак сваю, чырвона-зялёную?
І яшчэ… Мой дзед да Берліна дайшоў! Я его ні разу з георгіеўскай стужкай не бачыў! Мой дзед-ветэран пагарджаў парадамі! Вайну лічыў трагедыяй, а 9 мая ехаў на могілкі, каб памянуць саслужбоўцаў.
* * *
Дасылайце нам свае паведамленні пра падзеі, навіны, здарэнні, праблемы на электронную пошту nn@nn.by, праз skype nashaniva альбо праз адмысловую форму. Далучайце фота і відэа да сваіх паведамленняў.