«Белтэхагляд» не будзе павышаць цэны на тэхагляд аўтамабіляў
УП «Белтэхагляд» не будзе падымаць кошт тэхагляду на сваіх дыягнастычных станцыях, паведамілі БелТА ў прэс-службе Міністэрства транспарту і камунікацый Беларусі.
«Улічваючы і без таго высокую фінансавую нагрузку на ўладальнікаў транспартных сродкаў, 5 мая УП «Белтэхагляд» прынята рашэнне не падымаць кошт тэхагляду на сваіх дыягнастычных станцыях», — сказалі спецыялісты.
4 мая прадпрыемства ўсталявала новы прэйскурант на паслугі па правядзенні дзяржаўнага тэхнічнага агляду аўтамабіляў. Перагляд коштаў быў звязаны са зменамі ў парадку правядзення тэхагляду.