У Сірыі падчас спецаперацыі ЗША забіты адзін з лідараў Ісламскай дзяржавы
Спецназ ЗША правёў аперацыю на тэрыторыі Сірыі супраць баевікоў групоўкі «Ісламская дзяржава», паведамляе Пентагон.
У ходзе спецаперацыі быў забіты Абу Саяф, які, як мяркуецца, адказваў за кантрабандныя пастаўкі нафты для баевікоў ІД.
Як паведамляе агенцтва Reuters, амерыканскія вайскоўцы таксама захапілі жонку Абу Саяфа і даставілі ў Ірак.
Аперацыя ў Сірыі, паводле агенцтва Reuters, адбылася ў ноч на суботу.