У Клайпедзе пройдзе Свята беларускай песні
23 мая а 14.00 у Клайпедскай канцэртнай зале ў рамках Дзён культуры Беларусі ў Літве пройдзе «Свята беларускай песні».
На мерапрыемстве будуць прадстаўлены нацыянальныя традыцыі песеннага мастацтва беларускага народа, паведамляе Delfi.
У канцэрце прымуць удзел аматарскія калектывы беларускай дыяспары з Вільні, Клайпеды, Вісагінаса, Шальчынінкая і Шаўляя. У якасці ганаровага госця выступіць ансамбль народнай музыкі «Гудскі гармонік» (Беларусь).