Стэн Ваўрынка выйграў Ралан Гарос
Reuters.com
Швейцарскі тэнісіст Стэн (Станіслас) Ваўрынка стаў пераможцам Адкрытага чэмпіянату Францыі, абыграўшы ў чатырох сэтах першую ракетку свету серба Новака Джокавіча.
Ваўрынка уступіў у першым сэце 4:6, але затым выйграў тры сэты запар 6:4, 6:3, 6:4. Гэта другая перамога швейцарца ў турнірах серыі «Вялікага шлема». У 2014 годзе яму не было роўных на адкрытым першынстве Аўстраліі.
А для Джокавіча «Ралан Гарос» па-ранейшаму застаецца адзіным турнірам «Вялікага шлема», на якім ён яшчэ не перамагаў.