У Латвіі могуць аднавіць абавязковую вайсковую службу
Можна дыскутаваць з нагоды аднаўлення ў Латвіі абавязковай вайсковай службы, мяркуе кандыдат на пасаду міністра абароны Райманд Бергманіс.
Пра гэта ён распавёў у аўторак, 9 чэрвеня, у інтэрв'ю праграме «900 секунд» тэлеканала LNT.
«Да 2005 года [Латвія] вызначылася з пераходам на прафесійную вайсковую службу. Былі вельмі доўгія дыскусіі, і рашэнні не былі простымі. Цяпер сітуацыя змянілася. У Літве аднавілі. (…) Зараз прыярытэтам застаецца навучанне людзей у Зэмесардзе» [сілы добраахвоотнікаў],— сказаў Бергманіс.