У Гродне затрыманы эксгібіцыяніст, які «праславіўся» больш як тры месяцы таму
Супрацоўнікамі крымінальнага вышуку Кастрычніцкага РАУС Гродна 8 чэрвеня затрыманы 22-гадовы нідзе не працуючы эксгібіцыяніст.
Пра гэта паведамілі ва УУС Гродзенскага аблвыканкама.
Злачынства было ўчынена 22 лютага гэтага года ў раёне прыпынку «Румлёўскі парк» у аўтобусе № 16, які рухаўся ў бок праспекта Клецкава. Там мужчына ўчыніў хуліганскія дзеянні, дэманструючы інтымныя часткі цела 12-гадовай школьніцы.
Падазраваны раней не судзімы, на ўліку нідзе не стаяў. Дзяўчынка-пацярпелая яго апазнала. Хлопец ужо даў паказанні.
Затрыманы змешчаны ў ізалятар часовага ўтрымання.