Спынены рух тралейбусаў на вуліцы Куйбышава ў Мінску
З-за кароткага замыкання ў кантактнай сетцы перапынены рух тралейбусаў па сталічнай вуліцы Куйбышава ў бок цэнтра.
НЗ адбылося 12 чэрвеня каля 11.00 насупраць дома № 27. У месцы замыкання сеткі абарваныя правады, ідзе дым. Ніхто не пацярпеў. Аварыйную брыгаду выклікала ахова размешчанага побач пасольства Венесуэлы, але на гэты час яна да месца здарэння пакуль не прыбыла.