Прэзідэнт Судана Башыр вылецеў з ПАР, не чакаючы суда
Прэзідэнт Судана Амар Башыр, які абвінавачваецца ў ваенных злачынствах, пакінуў Паўднёвую Афрыку, не чакаючы судовага слухання, якое магло скончыцца рашэннем аб яго выдачы Міжнароднаму крымінальнаму суду ў Гаазе.
Пасяджэнне суда ў Прэторыі павінна было прайсці ў панядзелак, аднак самалёт суданскага прэзідэнта вылецеў з ПАР за некалькі гадзін да яго пачатку.
У Ёханэсбург Башыр прыбыў на саміт Афрыканскага саюза, аднак у нядзелю суд забараніў яму пакідаць краіну да таго часу, пакуль не будзе разгледжаны запыт на яго арышт.
Міжнародны крымінальны суд выстаўляе суданскаму прэзідэнту абвінавачванні ў генацыдзе і іншых ваенных злачынствах і злачынствах супраць чалавечнасьці ў ходзе ўзброенага канфлікту ў Дарфуры.
Па дадзеных ААН, за час канфлікту, які пачаўся ў 2003 годзе, загінула каля 300 тысяч чалавек, яшчэ каля 2 млн чалавек сталі бежанцамі.