Памёр легендарны камандзір ІРА
У 1980-х Брэндан Х'юз The Dark трымаў 53-хдзённую галадоўку, а ў 1997 г. адкалоўся ад сваіх былых таварышаў пасьля таго, як тыя пайшлі на кампраміс з пратэстантамі.
Х’юз, які атрымаў мянушку "Цёмны" (The Dark) за свой зьнешні выгляд, быў адным з самых актыўных баевікоў ІРА ў пачатку 1970‑х і яе кіраўніком да 1975 г. Тады ён жыў у Бэлфасьце інкогніта і, выдаючы сябе за прадаўца цацак, каардынаваў тэрарыстычную дзейнасьць ІРА ў горадзе.
Падчас знаходжаньня ў Бэлсфасцкай турме Х’юз трымаў 53‑дзённую галадоўку, дабіваючыся статусу палітвязьняў для зьняволеных. Калі лідэры ІРА палічылі, што ім удалося пайсьці на перамовы з брытанскімі ўладамі, Х’юз, знаходзячыся пры сьмерці, спыніў галадоўку. Але перамовы праваліліся, і галадоўка была адноўлена ў 1981 г., што прывяло да сьмерці дзесяці вязьняў.
Ад 1983 г. Х’ьюз быў даверанай асобай Джэры Адамса -- кіраўніка Шын Фэйн, што зьяўлялася палітычным крылом ІРА, аднак быў адсунуты ў 1997 г. ад партыйнай дзейнасьці за рэзкую крытыку дзеяньняў кіраўніцтва.
Цікава, што труну з прахам Х’юза пахавалі на пратэстанцкіх могілках ва ўсходнім Бэлфасьце. Зазвычай чальцоў ІРА хаваюць на каталіцкіх могілках Мілтаўн у заходнім Бэлфасьце.