Ва Украіне затрымалі высокапастаўленага расійскага «крата» ў СБУ
Служба бяспекі Украіны затрымала аднаго з кіраўнікоў Галоўнага ўпраўлення СБУ ў Кіеве і Кіеўскай вобласці. Яго падазраюць у рабоце на спецслужбы Расіі.
Пра гэта паведамляе прэс-цэнтр СБУ.
«Ён абгрунтавана падазраецца ў працы на спецслужбы Расійскай Федэрацыі па артыкуле 111 Крымінальнага кодэкса Украіны (Дзяржаўная здрада)», — гаворыцца ў паведамленні.
Як адзначыў в.а. кіраўніка СБУ Васіль Грыцак, правяраюцца і іншыя супрацоўнікі СБУ, якія могуць быць датычныя да замежных спецслужбаў.