У Бельгіі перакуліўся турыстычны аўтобус з дзецьмі
У Заходняй Фландрыі (правінцыя Бельгіі) сёння перакуліўся турыстычны аўтобус з дзецьмі.
Адзін чалавек загінуў, яшчэ 36 атрымалі раненні рознай ступені цяжкасці. Некалькі дзяцей і трое дарослых шпіталізаваныя.
У аўтобусе знаходзіліся 34 падлеткі ва ўзросце 11—13 гадоў з Вялікабрытаніі, а таксама шасцёра дарослых, якія іх суправаджалі, і два кіроўцы.
Паводле папярэдняй версіі, кіроўца страціў кіраванне, аўтобус зачапіў слуп, вылецеў з трасы ў кювет і перакуліўся. Прычына аварыі высвятляецца.