Каля Чарнобыльскай АЭС зноў пажар, гэтым разам гараць 130 гектараў
У зоне адчужэння вакол Чарнобыльскай АЭС узнік пажар, плошча якога складае каля 130 гектараў.
Узгаранне сухой травы і чароту было зафіксавана ўвечары 29 чэрвеня ў раёне вёскі Каўшылаўка і пасёлка Палескае.
Па стане на 07:00 30 чэрвеня, тушэнне ачагоў узгарання працягваецца.
На месцы здарэння разгорнуты штаб пажаратушэння, працуе мабільная аператыўная група.