Інфляцыя — 100000%
Інфляцыя ў Зымбабвэ пабіла свой жа рэкорд і перакрочыла псыхалягічную адзнаку ў 100.000%.
Інфляцыя ў Зымбабвэ пабіла свой жа рэкорд і перакрочыла псыхалягічную адзнаку ў 100.000%. Як перадаюць інфармацыйныя агенцтвы з спасылкай на зьвесткі статыстычнага ведамства гэтай краіны, па стане на сёлетні студзень інфляцыя склала 100.580%. Пры гэтым зымбабвійскія прафсаюзы агучваюць лічбу 150.000%.
Многія аналітыкі бачаць прычыну эканамічнага крызысу ў зямельнай рэформе, калі ў белых, якія валодалі больш за 80% земляў, былі канфіскаваныя фэрмы й перададзеныя пасьля чорным сялянам: гэта рэзка скараціла прыток іншаземных інвэстыцый у краіну ды балюча ўдарыла па эканоміцы Зымбабвэ
Аднак прыхільнікі прэзыдэнта краіны Робэрта Мугабэ адзначаюць, што ў пачатку ХХ стагодзьдзя брытанскія калянізатары адабралі ў чорнага насельніцтва больш урадлівыя палеткі. На іх думку, крызыс выкліканы эканамічнай блякадай, якую зладзілі Зымбабвэ Вялікабрытанія й ЗША, незадаволеныя гэтай рэформай.