За 3—5 ліпеня ля Палаца спорту з'елі 4,5 т шашлыку і выпілі 50 тыс л квасу
Больш за 500 тыс. чалавек прынялі ўдзел у святкаванні Дня Незалежнасці ў Мінску.
Пра гэта паведаміла на аператыўнай нарадзе ў гарвыканкаме першы намеснік начальніка галоўнага ўпраўлення ідэалагічнай працы, культуры і па справах моладзі Мінгарвыканкама Віталіна Рудзікава.
Самымі масавымі традыцыйна сталі гулянні ў раёне Палаца спорту, дзе святочны гандаль быў арганізаваны з 3 па 5 ліпеня. Плошча кірмашовых шэрагаў склала больш за 13 тыс. кв.м.
Пад 100 парасонамі і навесамі абсталявалі больш за 2 тыс. пасадачных месцаў. За тры дні тут з'елі 4,5 т шашлыку, 6 т марожанага, выпілі 50 тыс. л квасу.