Памэла Андарсан напісала адкрыты ліст Пуціну
Галівудская акторка, якая шмат гадоў змагаецца за правы жывёл, папрасіла расійскага прэзідэнта ўмяшацца ў сітуацыю з забойствам кітоў.
фота starslife.ru
Андарсан хоча, каб расейскія улады забаранілі праходжанне праз Паўночны марскі шлях судну «Winter Bay». На ім з Ісландыі ў Японію транспартуецца амаль 2000 тон мяса фінвала. Фінвалы з'яўляюцца блізкімі сваякамі сіняга кіта і другімі па велічыні жывёламі планеты. У ХХ стагоддзі яны амаль зніклі, таму паляванне на іх забаранілі з 1982 года, але дзесяць гадоў таму Ісландыя ў аднабаковым парадку аднавіла здабычу.
Судну «Winter Bay» ўжо адмовілі ў праходжанні праз Суэцкі і Панамскі каналы, яго апошні шанец даставіць мяса па прызначэнні — прайсці праз тэрытарыяльныя вады Расіі. Праўда, Дзмітрый Пяскоў, прэс-сакратар Пуціна, сказаў, што ні пра які ліст ад акторкі ў Адміністрацыі прэзідэнта РФ не ведаюць.