Сіноптыкі чакаюць мінімум два тыдні нечуванага сквару і сушы
Два наступныя тыдні ў Беларусі будзе трымацца моцная спёка.
Паводле дадзеных сайта gismeteo.by, дзённыя тэмпературы на поўдні краіны будуць складаць 30—35 градусаў, на поўначы — 25—30 градусаў. Прычым на поўдні, які і без таго ўлетку падсушыла, не прагназуецца ніводнага дажджу.
На поўначы магчымыя адзін ці два дажджы.
Незвычайныя для жніўня духата і засуха прывядуць да перасыхання рэк і азёр, падзення ўзроўню падземных вод. Засохнуць і сады, калі іх не паліваць.