Нацбанк адклікаў ліцэнзію ў банка, якім валодае літовец
Нацбанк адклікае з 6 жніўня ліцэнзію на ажыццяўленне банкаўскай дзейнасці ў «Еўрабанка».
«Гэтае рашэнне прынята ў сувязі з доўгім невыкананнем ЗАТ «Еўрабанк» асобных ліцэнзійных патрабаванняў, устаноўленых Банкаўскім кодэксам Рэспублікі Беларусь, адсутнасцю перспектыў па нарошчванні нарматыўнага капіталу банка, што можа прывесці да стварэння пагрозы інтарэсам укладчыкаў і іншых крэдытораў банка, а таксама з улікам стратнай дзейнасці банка ў 2015 годзе і вынікаў комплекснай праверкі ЗАТ «Еўрабанк» у снежні 2014 года, якія сведчаць аб высокіх рызыках у яго дзейнасці і нездавальняючай якасці кіравання», — гаворыцца ў паведамленні.
Дагэтуль дзеянне ліцэнзіі «Еўрабанка» прыпынялася некалькі разоў на працягу года.
99,9% акцый банка валодае літовец Андрыус Урбонас.