У Беларусі за мінулыя выходныя патанулі 25 чалавек
Аб гэтым паведаміў вядучы спецыяліст рэспубліканскай рады Асвода Алег Баразна.
«За мінулы тыдзень загінулі на водах 35 чалавек, з іх двое непаўналетніх. Усе выпадкі зарэгістраваныя на водных аб'ектах. Толькі за выходныя там патанулі 25 грамадзян», — сказаў Алег Баразна.
Вядучы спецыяліст адзначыў, што больш за ўсё выпадкаў ўтаплення зафіксавана на мінулым тыдні ў Мінскай вобласці, дзе патанулі 10 чалавек.