У беларуса канфіскавалі самаробны трактар за п’яную язду
Супрацоўнікі ДАІ спынілі ўвечары 4 жніўня жыхара вёскі Загор’е (Светлагорскі раён) 1974 года нараджэння, паведамляе Lovesun.by.
Мужчына п’яным вёў самаробны незарэгістраваны трактар без правоў на кіраванне ім па трасе Светлагорск – Сасновы Бор – Палессе.
Абышлося без здарэнняў. Самаробны трактар быў канфіскаваны.
Раней мужчына ўжо прыцягваўся да адказнасці за аналагічнае правапарушэнне. Якое пакаранне акрамя канфіскацыі транспартнага сродка пагражае яму цяпер, невядома.