На поўдні Германіі разбіўся амерыканскі знішчальнік з муляжом 100-кілаграмовай бомбы
На поўдні Германіі, у Баварыі, разбіўся знішчальнік F-16 амерыканскіх ваенна-паветраных сіл.
Пілот паспеў катапультавацца і шпіталізаваны з лёгкімі траўмамі. Прычыны здарэння пакуль не вядомыя.
Паводле газеты Bild, знішчальнік зваліўся ў лесе, ахвяр і разбурэнняў на зямлі няма.
Самалёт выконваў навучальны палёт і нёс муляж 100-кілаграмовай бомбы, баявога ўзбраення на борце не было.