У Мінску адкрыўся першы кантактны заапарк
Першы ў Мінску кантактны заапарк адкрыўся 22 жніўня ў гандлёва-забаўляльным цэнтры «Тытан» падчас «Фестывалю ўсёзнайкі», паведамілі прадстаўнікі комплексу.
Першы кантактны заапарк сеткі «Краіна Яноція», у якім жывёл можна гладзіць, карміць і прычэсваць, займае плошчу прыкладна 300 квадратных метраў. У ім прадстаўлены дзясяткі відаў звяроў і птушак, у тым ліку поні, камерунская каза і аленяня. У якасці фірменнай жывёлы выбраны яноты — насухі і паласкуны.
У звярынцы працуе аніматар, ёсць зона дзіцячай творчасці. Для дзяцей арганізуюць майстар-класы, у тым ліку вучаць плесці бранзалеты, майстраваць вырабы і маляваць звяроў.
Інтэр'ер першага кантактнага заапарка абыгрывае папулярны анімацыйны фільм «Сямейка Крудс», тут узноўлены арэал пасялення першабытнай сям`і.
Як паведамлялася раней, усяго «Краіна Яноція» будзе налічваць прыкладна 10 устаноў у розных кутках Мінска.