Лукашэнка ляціць на парад Перамогі ў Кітай?
Аляксандр Лукашэнка плануе наведаць Кітай 3 верасня для ўдзелу ва ўрачыстасцях з нагоды 70-годдзя перамогі ў вайне з Японіяй. Пра гэта, паводле інфармацыі агенцтва Сіньхуа, паведаміў намеснік міністра замежных спраў Кітая Чжан Мін.
Ён адзначыў, што свой удзел ва ўрачыстых мерапрыемствах пацвердзілі 49 краін, у тым ліку лідэры і кіраўнікі ўрадаў 30 краін.
Сярод кіраўнікоў дзяржаў, якія пацвердзілі свой удзел, значацца таксама прэзідэнты Расіі, Казахстана, Паўднёвай Карэі, Чэхіі, Манголіі, М'янмы, Лаоса, Сербіі, Венесуэлы, Паўднёва-Афрыканскай Рэспублікі, Пакістана, Таджыкістана.
Пацвердзіць гэтую інфармацыі ў прэс-службе беларускага кіраўніка пакуль не ўдалося.