МЗС Францыі: Чакаем ад беларускіх уладаў далейшых крокаў
Вызваленне палітзняволеных у Беларусі з'яўляецца важным крокам на шляху паляпшэння адносін з Еўрасаюзам, гаворыцца ў заяве Міністэрства замежных спраў Францыі, распаўсюджанай французскім пасольствам 25 жніўня.
У дакуменце падкрэсліваецца, што Францыя вітае «вызваленне шасцярых зняволеных у Беларусі, у прыватнасці Мікалая Статкевіча, Мікалая Дзядка і Ігара Аліневіча».
«Гаворка ідзе пра важны крок на шляху паляпшэння адносін з Беларуссю. Мы чакаем ад беларускіх улад далейшага прасоўвання на гэтым шляху», — гаворыцца ў заяве.