Лукашэнка: Даўно настаў час павышаць пенсійны ўзрост, але вы не хочаце
Пытанне павышэння пенсійнага ўзросту ў Беларусі не стаіць. Пра гэта заявіў сёння Аляксандр Лукашэнка ў час сустрэчы з працоўным калектывам ААТ «Баранавіцкае вытворчае баваўнянае аб'яднанне».
«Мы наогул да гэтага пытання не падыходзілі. Я вам шчыра сказаў, што нам пенсійны ўзрост даўно трэба было павялічыць», — сказаў кіраўнік дзяржавы.
Ён адзначыў, што ў Беларусі невысокія пенсіі, бо на аднаго пенсіянера прыходзіцца занадта мала працуючых грамадзян. «Гэта значыць, мы перагружаем сваіх дзяцей», — сказаў ён.
«Калі вы хочаце, каб у краіне было столькі пенсіянераў на столькі працуючых — калі ласка, але пенсія будзе меншай», — дадаў кіраўнік дзяржавы.
«Таму мы пенсійнае пытанне не чапаем, — сказаў Аляксандр Лукашэнка. — Маё меркаванне вы ведаеце. Але вы гэтага не хочаце».