Лукашэнка прыняў шэраг кадравых рашэнняў
Аляксандр Лукашэнка прызначыў Юрыя Амбразевіча пастаянным прадстаўніком Рэспублікі Беларусь пры аддзяленні Арганізацыі Аб'яднаных Нацый і іншых міжнародных арганізацыях у Жэневе (Швейцарская Канфедэрацыя).
Пра гэта паведамляе прэс-служба беларускага лідэра.
Акрамя таго, кіраўнік дзяржавы ўзгадніў прызначэнне Дзмітрыя Калечыца намеснікам старшыні праўлення Нацыянальнага банка Рэспублікі Беларусь, Ігара Поршнева — генеральным дырэктарам рэспубліканскага ўнітарнага прадпрыемства «Нацыянальная кінастудыя «Беларусьфільм», Рыгора Лаўшэнкі — рэктарам установы адукацыі «Беларуская дзяржаўная акадэмія авіяцыі».