Пуцін упершыню за два месяцы паразмаўляў з Меркель і Аляндам
Прэзідэнт Расіі Уладзімір Пуцін упершыню за два месяцы правёў тэлефонныя перамовы з французскім калегам Франсуа Аляндам і канцлерам Германіі Ангелай Меркель, абмеркаваўшы рэжым захавання перамір'я ў Данбасе. Паведамленне пра гэта з'явілася на сайце Крамля ў суботу, 29 жніўня.
Пуцін выказаў занепакоенасць абстрэлаў населеных пунктаў Данбаса з боку ўкраінскіх вайскоўцаў. Таксама ён адзначыў факт нарошчвання узброеных сіл Украіны ўздоўж размежавальнай лініі.
Меркель і Алянд, у сваю чаргу, як паведамляе прэс-служба ўрада Германіі, сказалі, што выбары ў самаабвешчаных рэспубліках могуць стаць пагрозай для мірнага працэсу, бо яны не будуць адпавядаць законам Украіны.
Апошні раз тэлефонныя перамовы Пуціна, Меркель і Алянда прайшлі 22 чэрвеня, лідары таксама абмяркоўвалі сітуацыю на ўсходзе Украіны і захаванне Мінскіх пагадненняў.