З 1 верасня ў расійскіх школах стане абавязковай другая замежная мова
Пачынаючы з новага навучальнага года, расійскім школьнікам з пятага класа трэба будзе вывучаць другую замежную мову. Яна ўключана ў пералік абавязковых прадметаў.
«З 1 верасня пятыя класы пераходзяць на навучанне па новым стандарце, дзе зафіксавана: другая замежная мова з'яўляецца абавязковым элементам школьнай праграмы», - распавёў міністр адукацыі Дзмітрый Ліванаў ў інтэрв'ю «Росссийской газете».
Міністр адзначыў, што замежныя мовы з'яўляюцца не толькі сродкам зносін, але і спрыяюць развіццю памяці і інтэлекту. Паводле яго слоў, таму гэты прадмет займае «годнае месца ў аб'ёме школьнай праграмы».
У цяперашні час не ўсе школы гатовыя адшукаць сродкі на новаўвядзенне. Як адзначыў Ліванаў, «у рэгіёнаў ёсць натуральнае жаданне на нечым зэканоміць». Для рэалізацыі новага стандарту школам ўсталююць пераходны перыяд.