У людзей адбіраюць зямлю — ВІДЭА з грамадскіх слуханняў на вуліцы Тарханава
Cёння а 18.00 у СШ №48 на вуліцы Тарханава, 14 (раён Грыбаедава, стэлы «Горад-герой») праходзіць сустрэча мясцовых жыхароў з адміністрацыяй па спрэчным пытанні адсялення і пабудовы на месцы прыватнага сектара элітнага жытла.
Улады хочуць забраць у людзей іхнія адвечныя сядзібы і перадаць іх кампаніі «Стром-інвест Ратамка» пад забудову. Людзі падазраюць, што за кампаніяй стаяць уплывовыя чыноўнікі.
Людзі не згодныя ні з адсяленнем, ні з прапанаванай кампенсацыяй і гатовы адстойваць свае правы.
Яны звярнуліся ў «Нашу Ніву» з просьбай асвятліць сітуацыю. «Наша Ніва» вяла жывую трансляцыю з сустрэчы.