Гульцы гандбольнага «Заграба» шпіталізаваны ў Брэсце з прыкметамі харчовага атручвання
Фота: bgk-meshkova.com
Уночы на 7 верасня чатыры прадстаўнікі харвацкага гандбольнага клубу «Заграб» былі дастаўленыя ў інфекцыйнае аддзяленне Брэсцкай абласной лякарні з тэмпературай і прыкметамі атручэння, ранкам туды трапілі яшчэ восем чалавек з каманды, паведамляе «Брэсцкі кур’ер».
Напярэдадні «Заграб» перамог у гульні SEHA-лігі брэсцкі БГК імя Мяшкова з лікам 24:21. Пасля гэтага гандбалісты выправіліся ў брэсцкі гатэль «Беларусь», дзе мелі абед і вячэру.
Па інфармацыі Onliner.by, прадстаўнікі брэсцкага клубу лічаць, што атручэнне адбылося падчас харчавання ў гатэлі «Беларусь», а дырэктар рэстарана не верыць, што па выніках праверкі санстанцыі вінаватымі могуць прызнаць яго падначаленых.