У чацвер месцамі да +20
10 верасня па поўначы краіны ў начныя гадзіны на глебе магчымы слабыя замаразкі да 0 — мінус 2.
Чакаецца пераменная воблачнасць. Ноччу месцамі пройдуць невялікія дажджы, днём будзе пераважна без ападкаў. Ноччу і раніцай у асобных раёнах магчымы туман. Вецер прагназуецца паўночна-ўсходні 3—8 м/с.
Тэмпература паветра ўначы складзе 3-9 градусаў вышэй за нуль, па поўначы месцамі на глебе замаразкі да 0 — мінус 2, днём будзе 14—20 градусаў цяпла.