Работнікі МНС выратавалі дзядулю, які стаяў з адваротнага боку балкона ФОТА
Выпадак адбыўся ўдзень 9 верасня на праспекце Пушкіна ў Мінску. У МНС паступіла паведамленне пра мужчыну, што трымаўся рукамі з вонкавага боку балкона на другім паверсе дома.
Ратавальнікі аператыўна прыбылі на месца здарэння і разгарнулі «Куб жыцця». На яго шчасліва прызямліўся 84-гадовы пенсіянер. Ён не пацярпеў, паведамляе 112.by.