На мячэць Аль-Харам у Меццы паваліўся кран: 107 загінулых ФОТА, ВІДЭА
абноўлена
Фота Al Arabiya
Прынамсі 107 чалавек загінулі і 100 параненыя ў выніку таго, што будаўнічы кран паваліўся на мячэць Аль-Харам у Меццы, паведамляюць улады Саудаўскай Аравіі.
У сацсетках з'явіліся фатаграфіі скрываўленых целаў наведвальнікаў мячэці. Таксама на фота відаць частку пад'ёмнага крана, які прабіў дах будынка.
Фота Al Arabiya
На месцы здарэння працуюць ратавальнікі.
Мячэць аль-Харам (Запаветная мячэць) у Меццы, з'яўляецца галоўнай і найбуйнейшай мячэццю ў свеце. Ва ўнутраным двары мячэці знаходзіцца галоўная святыня ісламу — Кааба. У святую для мусульман Мекку на Хадж ўжо збіраюцца паломнікі з усяго свету. Хадж адбываецца пазней у верасні. Летась з прычыны будаўнічых работ у мячэці аль-Харам горад прыняў паломнікаў менш, чым звычайна.