У Мюнхен за суткі прыбылі 12 тысяч бежанцаў, горад на мяжы калапсу
Bild.de
Мюнхен знаходзіцца «на мяжы калапсу» з-за бесперапыннага патоку бежанцаў, паведамляе Bild.
Паводле інфармацыі паліцыі, за мінулыя суткі на галоўны вакзал горада прыбылі 12,2 тыс. чалавек, паток не спыняецца і цяпер.
Адзначаецца, што ў горадзе адчуваецца сур'ёзны недахоп месцаў для размяшчэння прыезджых. Гарадскія ўлады збіраюцца пераабсталяваць спартыўныя памяшканні на тэрыторыі Алімпійскага парка.
Ля чыгуначнага вакзала дзяжураць валанцёры і паліцыя. Там усталяваны намётавы гарадок, дзе аказваецца меддапамога ўцекачам.