Лукашэнка адмовіўся ад выступу па радыё ў якасці кандыдата ў прэзідэнты
Аляксандр Лукашэнка не скарыстаўся магчымасцю выступіць па радыё ў якасці кандыдата ў прэзідэнты.
Радыёвыступы кандыдатаў (два разы па 30 хвілін) пачаліся 23 верасня. Згодна з лёсаваннем першымі павінны былі выступіць Сяргей Гайдукевіч і Лукашэнка. Гайдукевіч запісаў выступ на радыё, практычна паўтарыўшы першы тэлевізійны зварот да выбаршчыкаў (15 верасня). Лукашэнкі, не выкарыстоўваў тэлеэфір, адмовіўся і ад радыёвыступу. Замест гэтага працягнулася трансляцыя ранішняй інфармацыйнай праграмы.
25 верасня з першымі радыёзваротамі павінны выступіць Таццяна Караткевіч і Мікалай Улаховіч.