Пенсіянерка заблукала і памерла ў лесе ў Расонскім раёне
Яе цела знайшлі на чацвёртыя суткі пошукаў.
Яшчэ з мінулай пятніцы ў лясах Расонскага раёна шукалі 71-гадовую мясцовую жыхарку, якая сышла ў ягады і не вярнулася дадому. Пенсіянерку шукалі міліцыя і аднавяскоўцы, але, нягледзячы на ўсе намаганні, выратаваць жанчыну не ўдалося.
У аўторак вечарам, на чацвёртыя суткі пошукаў, бабулю знайшлі ў лесе памерлай.
Прычына смерці жанчыны цяпер высвятляецца, паведамляе УУС Віцебскага аблвыканкама.